Detaje të tjera janë zbuluar nga kontejneri në të cilën dyshohet se janë marrë rreth 50 kuti, ku dyshohet se kishte kokainë kishte rreth 10 ditë që kishte mbërritur në Portin e Durrësit. Sipas burimeve nga grupi hetimor mësohet se kontejneri kishte mbërritur në vendin tonë nga Ekuadori.
Emri i kompanisë që posedon kontejnerin me banane që u bllokua mëngjesin e sotëm në Durrës është “Zico Sh.p.k”. Kjo kompani është e biznesmenit Trifon Murataj, i cili qëndron në SHBA por që biznesi i frutave ekzotikë kryhet në Shqipëri.
Gjithashtu bëhet me dije se kontejneri me banane “Bana King”, ka mbërritur nga Ekuadori në portin e Durrësit në datën 8 Korrik të këtij viti por që ditën e djeshme është konstatuar se kontejnerit i mungonin plumbçet e sigurisë. Ende nuk dihet nëse kontejnerit i janë hequr plumbçet në Durrës apo në ndonjë port tjetër. Brenda kontejnerit mungojnë 49 kuti me banane, në të cilat dyshohet se ka pasur kokainë.
Discussion about this post