Drejtoria e Përgjithshme e burgjeve ka organizuar një operacion ‘blic” mbrëmjen e djeshme në IEVP Peqin, pas sinjalizimeve se disa të dënuar posedonin sende të ndaluara.
Mësohet se, pas kontrollit të ushtruar, të burgosurve iu janë gjetur dhe sekuestruar, telefona celularë, karikues dhe kaçavida.
“Drejtoria e Përgjithshme e burgjeve ka organizuar një operacion të shpejtë dje duke filluar nga ora 23.30 në IEVP Peqin, pas sinjalizimeve se disa të dënuar posedonin sende të ndaluara. Dy grupe të Forcave Operacionale, gjatë kontrollit kanë konstatuar: Tre telefon celularë, tre karikues si dhe katër kaçavida. Materialet i kaluan SHKBB për hetime të tjera’, thuhet në njoftimin e policisë.
Discussion about this post