Kontrolle në disa shkolla, policia u gjen nxënësve thika, doreza hekuri e armë plastike

Gjatë ditës së sotme Policia e Kosovës njofton se ka bërë kontrolle sigurie në shkolla. Sipas njoftimit, me urdhër të lëshuar nga Gjykata kompetente, janë kontrolluar nxënësit e tri shkollave të mesme të larta në Vushtrri.

“Si rezultat i kontrollimit  në posedim tek nxënësit  brenda hapësirave të shkollave janë  gjetur dhe sekuestruar, shtatë (7) thika, një (1) boks hekuri, një(1)pistoletë plastike dhe gjësende tjera”, thuhet në njoftimin për media.

Veprimet policore dhe provat e gjetura materiale policia bën të ditur se do t’i paraqiten prokurorit kompetent.

“Policia mbetet e përkushtuar për bashkëpunim të ndërsjellë me autoritet e shkollave në ofrim të sigurisë në shkolla”, thuhet tutje në njoftim.