Kokaina e kapur dy ditë më parë në Portin e Durrësit në kontejnerin me banane të kompanisë “BanaKing” ka vënë në lëvizje autoritetet e drejtësisë shqiptare. Kështu, sot në Portin e Durrësi ka “zbarkuar” Byroja Kombëtare e Hetimit, pasi ka dyshime se një sasi e madhe droge dyshohet se mund të jetë në kontejnerët e ardhur nga Amerika Latine, raporton News24.
Prej datës 3 nëntor vijon ende kontrolli i imtësishëm i të gjithë kontejnerëve me banane që mbërritën më 28 tetor në portin e Durrësit, ku u nisën në portin “Puerto Bolivar” në Ekuador, kur prej afro një muaj udhëtim dhe ndalesa në 28 tetor mbërritën në portin e Durrësit.
Mësohet po ashtu se po punohet intensivisht nga organet ligj zbatuese për të zbuluar gjithçka të paligjshme që tentohet të futet në territorin e vendit. Hetimi përfshin përgjime të punonjësve të portit, dy prej të cilëve të arrestuar pasi nuk konstatuan në skaner lëndë narkotike dhe u desh qeni i antidrogës për ta zbuluar.
Ndërkohë, Prokuroria po heton të gjithë stafin e portit të Durrësit, pasi mënyra se si u zbuluan 33.5 kg kokainë ishte dyshuese pasi nuk u konstatua nga punonjësit e skanerit.
Discussion about this post