Kastriot Frashëri 54-vjeç është arrestuar nga policia në Berat, pasi është kapur duke trafikuar heroinë.
Policia ka marrë informacion nga një banor i zonës se Frashëri ushtronte këtë aktivitet kriminal në qytetin e Beratit.
Sot në kuadër të operacionit “Adekuat” u arrestua në flagrancë personi i identifikuar me iniciale K. F., 54 vjeç, banues në lagjen “Donika Kastrioti”, Berat.
Gjithashtu nga hetimet e kryera u zbulua se 54- vjeçari ka ushtruar veprimtarinë kriminale të shpërndarjes së drogave të forta në doza të vogla në qarkun e Beratit, si dhe ka përshtatur banesën e tij, për përdorimin e lëndëve narkotike.
Gjatë kontrollit të ushtruar në banesën e tij, Policia gjeti dhe sekuestroi 206 gramë lëndë të dyshuar narkotike heroinë. Vijon puna hetimore për dokumentimin e plotë të veprimtarisë kriminale të këtij shtetasi, identifikimin dhe kapjen e bashkëpunëtorëve.
Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme procedurale.
Discussion about this post