Kopshti Botanik do të vazhdojë të jetë nën pronësi të Fakultetit të Shkencave të Natyrës të Universitetit të Tiranës. Ky është vendimi i dhënë nga Gjykata Administrative, e cila ka rrëzuar VKM e qeverisë që kalonte Kopshtin Botanik në pronësi të Bashkisë të Tiranës.
Vendimi i fundit i Këshillit të Ministrave ishte “Për kalimin në pronësi, të Bashkisë Tiranë, të disa pasurive të paluajtshme në zonën kadastrale 3292 (Kopshti Botanik)…”. Ndërkohë me vendimin e fundit të dhënë nga Gjykata Administrative, Kopshti Botanik mbetet nën administrimin e Universitetit të Shkencave të Natyrës.
Dekani i Fakultetit, Spiro Drushku tha se vendimi ishte i drejtë dhe sipas ligjit. “Ka qenë një proces i gjatë gjyqësor që ka filluar nga tetori 2019 dhe përfundoi sot duke pranuar padinë e universitetit dhe duke rrëzuar VKM 510 që kjo pronësi i ishte kaluar bashkisë së Tiranës.
Pra sot kopshti është pronë shtetërore në pronësi të Fakultetit të Shkencave
Në fillim të seancës, palët shprehën relacionet. Ndërkohë që pas përthurtë patëm relatimin përfundimtar nga gjyqtari i çështjes.
Bashkia Tiranë ka të drejtë të apelojë, por ne do ndjekim deri në fund këtë çështje në mënyrë ligjore. Do ecim ashtu sikundër ligji na jep të drejtën, atë pronësi, që nuk mund të cenohet dot”, tha Drushku.
Vendimi përfundimtar u dha sot, ndërsa çështja ishte në gjykatë nga tetori i vitit 2019.
