Gjyqtari sportiv vendosi një gjobë prej tetë mijë eurosh ndaj Romës “për shkak se i kishte të gjithë mbështetësit e saj të grumbulluar në Curva Sud në minutën e 8-të të pjesës së dytë (të ndeshjes Roma-Sampdoria) duke intonuar një kor drejt trajnerit të skuadrës kundërshtare (Stankoviç): sanksioni u zbut sepse kori pas ndërhyrjes aktive të trajnerit nuk u përsërit (Mourinho)”.
Kështu gjyqtari Gerardo Mastrandrea justifikoi sanksionin e vendosur ndaj klubit verdhekuq pas thirrjeve raciste drejtuar trajnerit të Sampdorias, Dejan Stankoviç të dielën, të cilat përfunduan pasi Mourinho u kërkoi tifozëve të tij të ndalonin.
Sërish për thirrjet vulgare Hellas Verona u sanksionua me pesë mijë euro gjobë, ndërsa për Cremonese katër mijë euro për hedhjen e sendeve në fushë dhe tre mijë euro kundër Napolit për hedhjen e bombave tymuese gjatë Napolit-Milanit.
NËNTË LOJTARË TË SKUALIFIKUAR PËR NJË NDESHJE
Në lidhje me ndeshjet e ditës së 28-të të kampionatit të Serisë A, gjyqtari sportiv Gerardo Mastrandrea ka skualifikuar nëntë lojtarë, të gjithë për një ditë.
Këta janë Jeison Murillo nga Sampdoria, Lorenzo Tonelli nga Empoli, Roberto Pereyra nga Udinese, Sofyan Amrabat nga Fiorentina, Alexis Blin nga Lecce, Gianluca Caprari nga Monza, Fabio Depaoli nga Hellas Verona, Moise Kean nga Juventus dhe Rafael Toloi nga Atalanta.
Prej tyre Murillo dhe Tonelli ishin përjashtuar gjatë ndeshjeve të tyre përkatëse, ndërsa shtatë të tjerët ishin në paralajmërim dhe morën një tjetër karton të verdhë.
Discussion about this post