Sulmuesi i Real Madridit, Vinicius Jr. beson se tifozët e shpallur fajtorë për thirrje raciste duhet të ndalohen përjetësisht nga ndjekja e ndeshjeve në stadiume. Braziliani 22-vjeçar ishte viktimë e racizmit në shtator, kur tifozët e Atletico Madridit u filmuan duke drejtuar thirrje raciste ndaj tij jashtë stadiumit të tyre Uanda Metropolitano përpara ndeshjes së tyre kundër Realit.
“Nëse lëndon njerëz të tjerë, duhet të paguash”, tha Vinicius për TV brazilian Globo të dielën. “Është e vështirë të thuhet se (racizmi në futboll) do të përfundojë, me kaq shumë njerëz që ende e praktikojnë atë. Por më pëlqen të besoj se ka më shumë njerëz të mirë sesa të këqij.
“Të gjithë njerëzit racistë duhet të paguajnë në një farë mënyre. Nëse u pëlqen të shikojnë futboll mos sillen në mënyrë raciste, ata tifozë të Atletico Madrid nuk duhet të lejohen kurrë të shkelin më në një stadium. “Kjo do t’i bëjë ata të vuajnë pasojat dhe të reflektojnë për veprimet e tyre.”
Atletico dhe LaLiga dënuan abuzimin e drejtuar ndaj Vinicius në përgatitjen e derbit të Madridit, të cilin Reali e fitoi 2-1.
Mediat lokale raportuan gjithashtu se zhurma sikur majmunët dhe thirrjet “Vinicius, vdis” u dëgjuan gjatë gjithë lojës.
Atletico tha se ata po bashkëpunojnë me autoritetet për të identifikuar abuzuesit që do të përjashtohen nga klubi.
Discussion about this post