Korreshi-Braçes: Në tualet s’ju ndalojmë dot, atje bëni edhe Ramën…

Deputeti i PD-së, Saimir Korreshi, ka shkëmbyer replika në distancë me Erion Braçen e PS-së.

Reagimi i Korreshit ka ardhur pas një postimi që Braçe ka bërë në rrjetet sociale, ku shprehej se mbledhja e Komisionit parlamentar të Ekonomisë, e zhvilluar online, kishte përfunduar.

“Sapo mbaruam mbledhjen e komisionit të Ekonomisë dhe Financave ishte prezantimi i projektbuxhetit edhe paketës fiskale. Jam shumë i kënaqur t’i njoftoj të gjithë blegtorët se propozimi juaj për përjashtimin nga TVSH të mëshqerrave të rracës mbarëse realizohet këtë vit me paketën fiskale. TVSH për të do jetë zero. Një propozim i dytë për të çliruar bletët për pjalmim në sera. Fermerëve që merren me sera, u them larg hormoneve, bleta e bën shumë mirë këtë punë. Këto janë gjëra në paketën fiskale të dedikuara bujqësisë, vijojmë për më shumë se kaq”, shkruante Braçe.

Në reagimin e tij, duke ironizuar Braçen, Korreshi po përmes rrjeteve sociale, shprehej “për të shkuar në banjo e për tu lidhur online me njëri tjetrin nuk ju pengojmë dot. Atje mund të bëni edhe Edi Ramën po të doni, skemi ndërmend tju ndalojmë!”.

Ditën e sotme opozita vijoi aksionin opozitar, duke bllokuar punën në Komisione, ndërsa socialistët morën vendimin për t’u mbledhur online, ashtu sikundër ndodhi, pasi më parë u ushqyen me një tepsi me bakllava.