Deputeti i Partisë Demokratike Saimir Korreshi, ka komentuar sot gjatë një interviste televizive protetën e 7 korrikut. Ai tha se pas protestës së 7 korrikut se reagimi qytetar i kaloi pritshmëritë dhe tha se protetsat kundër qeverisë do vazhdojnë të jenë masive.
“Realisht për ne që rrimë në bazë e dimë mirë se çfarë do ajo, është e lodhur me të qenurit gjithë kohës në opozitë dhe e papërfaqësuar. Protesta kishte shumë njerëz, por për pjesët tjera pritet më shumë, të arrihet diçka përtej grumbullimit. Por ishte një hap pas një viti që nuk bëheshin protesta, kjo tregon se nervi në Shqipëri nuk është sosur. Janë partitë politike që mbledhin më shumë njerëz, më shumë se sa shoqëritë civile që për hir të së vërtetës mendoj se kanë pasur një hile brenda, për të hequr të drejtën e opozitës të përfaqësohej, të futur nga pushteti”, u shpreh ai.
Më tutje Korreshi tha se me protestën PD po rimerr rolin e opozitës, por i duhet akoma punë dhe organizim për bashkimin e plotë të strukturës. Pjesmarrja ishte shumë e kënaqshme, ndërsa për strukturat nevojitet një bashkim konkret. Unë e gjykova jo në nivelin e një politikani, u vura në rolin e të gjithë atyre që donin të merrnin pjesë në protestë. Kishte nevojë PD por e gjithë opozita të gjente veten, a ka njerëz dhe erdhën me shumicë. Pritshmëritë janë arritur, po të reagojë Tirana nuk do kishte vend në shesh e s’do kishte nevojë për rrethet por megjithatë ishte mirë”-u shpreh Korreshi.
Discussion about this post