Deputeti i Partisë Demokratike, Saimir Korreshi, tregoi detaje nga samiti i sotëm ku tha se Parlamenti Europian ka kërkuar betimin e Fredi Belerit, duke rrëzuar amendamentin nga Partia Socialiste.
Në një lidhje me Skype për Task Force në Syri Tv, Korreshi tha se sot deputetët e mazhozhorancës, duke u ndjerë në presion nga mbledhja e sotme, u bënë ftesë kolegëve demokratë për tu ulur në dialog.
“Në Parlamentin Europian ka qënë një temë e nxehë ku si bashkëkryetari dhe eurodeputetët e tjerë kanë ndërhyrë më së tepërmi për çështjen Beleri, ku i janë drejtuar kolegëve të mazhorancës duke i thënë që Parlamenti Europian iu ka kërkuar që z.Beleri duhet të bëjë betimin.
Ne sot kemi pasur ftesë nga kolegët e mazhorancës për tu ulur në dialog, ndërkohë që kjo nuk ka qënë gjatë gjithë periudhave. Ata bënë ftesë për gjetjen e zgjidhjeve ndërkohë që ne kemi 3-4 muaj që i biem dyerve dhe nuk gjejmë njeri atje” u shpreh Korreshi.
Discussion about this post