Presidenti rus Vladimir Putin gjatë një konference të përbashkët me kancelarin gjerman Olaf Scholz, kanë përmendur edhe Kosovën. Ata kanë kujtuar bombardimin e Serbisë gjatë vitit 1999 nga NATO-ja, për të ndalur gjenocidin që po bëhej ndaj Kosovës. Putin bëri një paralelizëm mes ndërhyrjes së NATO-s në Kosovë ku po kryhej gjenocid mbi popullatën civile, me krizën në Ukrainë, transmeton Telegrafi.
Ai madje theksoi se ishte NATO-ja që filloi një luftë në Evropë, duke iu referuar si një operacion të madh ushtarak ku u hodhën bomba në një prej qyteteve të Evropës, pra Beogradit. Në anën tjetër kancelari gjerman tha para gazetarëve se në Jugosllavi ishte prezent një rrezik duhej të parandalohej.
“Në Jugosllavi kishim një rrezik dhe ai ishte rreziku i gjenocidit dhe kjo duhej të parandalohej. Jam i lumtur që kemi zhvillime paqësore dhe vendet e Ballkanit Perëndimor, ku secili ka perspektivën e vetë në drejtim të Bashkimit Evropian. Është një shenjë e mirë”, shtoi Scholz. Ndërsa u shpreh i bindur se edhe në rastin me Ukrainën e Rusinë po bëhen përpjekjet për të parandaluar një luftë të mundshme.
Discussion about this post