Përfaqësuesja e Kosovës i ka mbyllur me humbje kualifikimet për Kampionatin Evropian, duke u mundur nga Bjellorusia.
“Dardanët” u mposhtën 0-1 nga Bjellorusia në stadiumin “Fadil Vokrri” në Prishtinë.
Antilevskiy realizoi supergol për bjellorusët në minutën e 43-të e që në fund doli të ishte vendimtar për rezultatin final të takimit.
Kosova kishte iniciativën thuajse gjatë tërë takimit, duke kërkuar golin në disa raste.
Meriton Korenica kishte mundësi të mirë në pjesën e dytë, por topi i goditur nga ai shkoi pak mbi portë.
Kosova me këtë humbje përfundon në vendin e parafundit (5) me 11 pikë.
Bjellorusia ngjitet në vendin e katërt me 12 pikë.
Nga vendi i parë në Evropian shkon Rumania me 22 pikë të grumbulluara, ndërsa e dyta është Zvicra me 17.
Discussion about this post