Ministri i Mbrojtjes në Kosovë, Armend Mehaj, iu ka kërkuar investitorëve amerikanë të industrisë ushtarake për të investuar në Kosova, me synimin që Kosova të kthehet në qendër rajonale të kësaj industrie.
Përmes një postimi në rrjetin social “Favebook”, Mehaj ka theksuar se qëndrimin e tij gadishmërinë e tij për investitorët amerikanëtë industrisë amerikanë e ka bërë të ditur gjatë fjalimit të tij në sesionin për Sigurinë e Evropës në Samitin e ISOA’21 , si dhe në takimin me këshilltarin e lartë në Zyrën për Shqyrtimin e Investimeve të Huaja në Departamentin Amerikan të Mbrojtjes, Andy Michels.
“Investitorët amerikan të industrisë ushtarake shprehin vlerësimin e lartë për ofertën time për të investuar në Kosovë me potencialin e veçantë që vendi ynë të jetë qendra rajonale e kësaj industrie në të ardhmen”, ka shkruar Mehaj.
Më tej Mehaj ka shkruar se këtë qëndrim, përveç gjatë fjalimit të tij në sesionin për Sigurinë e Evropës në Samitin e ISOA’21, e ka adresuar dhe tek këshilltari i lartë në në Zyrën për Shqyrtimin e Investimeve të Huaja në Departamentin Amerikan të Mbrojtjes, z. Andy Michels, gjatë një takimi miqësor.
Ai bëri me dije se ndër të tjera me zyrtarin amerikan kanë diskutuar për rëndësinë e bashkëpunimit bilateral dhe partneritetit SHBA-Kosovë, në fushën e mbrojtjes dhe sigurisë.
“Ndër të tjera edhe z.Michels i ritheksova rëndësinë e jashtëzakonshme të vendosjes së bazës së përhershme ushtarake të ushtrisë amerikane në Kosovë, në shërbim të paqes, sigurisë dhe stabilitetit rajonal dhe më gjerë dhe pengimit të qasjes destruktive dhe destabilizuese të Rusisë përmes Serbisë në rajon”, ka shkruar Mehaj.
