Kombëtarja e Kosovës e ka nisur me fitore aventurën në Ligën e Kombeve, duke mposhtur Republikën e Irlandës me rezultat 1-0 në stadiumin “Fadil Vokrri”.
Pas një pjese të parë pa gola, “Dardanët” vazhduan të kërkonin avantazhin edhe pas pushimit.
Rastet e mira nuk munguan, teksa Ermal Krasniqi goditi edhe traversën në minutën e 83-të.
Vetëm pak çaste më vonë, Kosova më në fund e gjeti golin e shumëkërkuar.
Në minutën e 83-të, Vedat Muriqi u gjend në vendin e duhur pas një topi të kthyer dhe me kokë e dërgoi topin në rrjetë për 1-0.
Irlanda tentoi të reagonte, por mbrojtja kosovare u tregua e kujdesshme deri në fund.
Veldin Hoxha pati mundësinë ta dyfishonte epërsinë në minutën e 87-të, por goditja e tij nga distanca shkoi ngjitur me shtyllën.
Edhe Ermal Krasniqi provoi të shënonte, por tentativa e tij në minutën e 86-të përfundoi jashtë kuadratit.
Franco Foda kreu disa zëvendësime në fund, duke futur në lojë edhe Milot Rashicën, Ermal Krasniqin dhe Fisnik Asllanin.
Pas katër minutave shtesë, arbitri Lawrence Visser sinjalizoi fundin e takimit, 1-0 për Kosovën.
Discussion about this post