Kombëtarja e Kosovës në futboll është vetëm disa ditë larg nisjes së ciklit kualifikues për Kampionatin Evropian “Euro2024”.
Përzgjedhësi i “Dardanëve”, Alain Giresse sot (e premte) do ta publikojë edhe listën e futbollistëve të ftuar për dy ndeshjet e muajit mars, shkruan lajmi.net.
Në listën e teknikut transalpin nuk priten shumë surpriza. Raportohet se sulmuesi i FC Ballkanit, Albion Rrahmani është një nga futbollistët e ftuar.
“Blutë” do ta nisin fushatën kualifikuese me takimin përballë Izraelit më 25 mars (ndeshje që do të nisë në 20:45). Tre ditë më pas, Kosova do të masë forcat me Andorrën, në Stadiumin Fadil Vokrri.
Kosova ndodhet në grupin I, sëbashku me Zvicrën, Rumaninë, Bjellorusinë, Izraelin dhe Andorrën.
Discussion about this post