Kryeministri i Kosovës, Albin Kurti ka folur për herë të parë në lidhje me Samitin e Demokracisë i cili do të mbahet në SHBA.
Kosova nuk është ftuar për të qenë pjesë e tij.
Kurti është shprehur se nuk ka asgjë për tu shqetësuar në lidhje me këtë çështje.
“Nuk ka asgjë për tu shqetësuar e kemi shpjeguar edhe më herët e këtë e ka bërë shumë thjesht edhe Ambasada Amerikane”, tha Albin Kurti.
Ambasada e Shteteve të Bashkuara të Amerikës në Kosovë pak ditë më parë tha se jo të gjithë partnerët mund të përfshiheshin në këtë iniciativë.
Samiti do të mbahet në 9 dhe 10 dhjetor në SHBA për herë të parë. Në media po qarkullon dhe lista me vendet të cilat janë pjesëmarrëse. Sipas informacioneve Kosova nuk figuron në listë e detyrimisht nuk do të marrë pjesë.
Discussion about this post