Rezultatet e dobëta në kualifikueset e kampionatit Botëror Katar 2022 sollën shkarkimin e trajnerit të përfaqësueses së Kosovës, Bernard Challandes. Humbja ndaj Gjeorgjisë në shtëpi rezultoi fatale për zviceranin teksa gjatë kësaj periudhë drejtuesit e federatës janë duke shqyrtuar mundësitë për emërimin e trajnerit të ri. Burime pranë federatës bëjnë me dije se në skenë së fundmi është shfaqur emri i trajneri italian Roberto Donadoni.
Më herët tekniku në fjalë ka drejtuar skuadra elitare si Napoli, Xhenoa, Bolonja, Parma, Kaljari dhe Livorno pa harruar edhe kombëtaren e Italisë gjatë viteve 2006-2008. Së fundmi Donadoni ka qenë pjesë e skuadrës kineze të Shenzhen. Donadoni është aktualisht trajneri që ka më tepër mundësi për të marrë drejtimin e stolit të Kosovës.
