Të ftuar në emisionin “Opinion”, disa student kanë shpjeguar arsyet se pse refuzojnë që të vaksinohen.
Ata u shprehën se do të ngrenë një padi ndaj Ministrisë së Shëndetësisë, pasi sipas tyre vendimi për të mos lënë studentët e pavaksinuar në auditorë, është një urdhër që heq të drejtën për t’u arsimuar
“E para është padia kolektive, jemi konsultuar me një avokat. Padia kolektive do të çojë në Gjykatë Administrative urdhrin e Ministrisë së Shëndetësisë që është një urdhër që të heq të drejtën për tu arsimuar. Në urdhër nuk përmendet PCR-ja dhe pse me gojë e thonë. E dyta, do ta çojmë në Komisionerin për Diskriminimin, pse ai që s’është vaksinuar duhet ta bëjë PCR-në, ai që është vaksinua, jo, të dy kanë mundësi të infektohen. E treta, ka shkelje penale përsa i përket shtrëngimin të studentët, pëlqimi ose jo për të marrë një medikament, shtrëngimi për të marrë këtë vaksinë është shkelje, krim kundër njerëzimit” – është shprehur studenti Arjon Kuçuku.
Një grup studentësh protestuan ditën e sotme kundër vaksinimit të detyruar si kusht për të qenë pjesë e auditorëve.
