Ndërsa porcesi i numërimit të votave po shkon drejt mbylljes, Ministri në largim i Zhvillimit Rajonal, Fikrim Damka, dhe biri i tij Fuat Damka kanë përfunduar në prangat e policisë .
Të dy dyshohen për dy vepra penale, “Sulm” dhe “Kanosje”. Lajmi është konfirmuar nga Policia e Prizrenit, përmes zëdhënësit Shaqir Bytyqi.
“Dje me datë 09.02.2025 rreth orës 18:00 në Prizren është raportuar një rast “Kanosje dhe Sulm” , policia ka intervsituar të dyshuarit Fikrim Damka dhe Fuat Damka dhe viktimat si dhe janë mbledhur edhe prova dhe dëshmi tjera dhe pas intervistimit me vendim të prokurorit dy të dyshuarit janë ndaluar për 48 orë në ndalim policor”, tha Bytyqi.
Kryeprokurori i Prizrenit, Petrit Kryeziu, ka thënë për Kohën se Damka ka sulmuar një kandidate nga Partia Turke e Lëvizjes Novatore, si dhe një tjetër person nga kjo parti.
“Sulm dhe kanosje ndaj saj dhe ndaj një personi të dytë, nga e njëjta parti me zonjën. Janë dy persona të ndaluar”, ka thënë ai.
Discussion about this post