Në fjalën e tij në takimin e “Ballkanit të Hapur” presidenti serb Aleksandar Vuçiç deklaroi i nervozuar se se i ka “ardhur në majë të hundës”, me vendet që janë skeptike për këtë nismë, referuar këtu Kosovës.
“Duhet t’i bëjmë gjërat më shpejt, në mënyrë më efikase. Në muajt në vijim duhet të organizohemi më shpejt që gjatë verës të shohim që qytetarët e vendeve tona të kenë 5% ulje në restorante apo dyqane, dhe kjo të subvencionohet nga shteti. Do i inkurajojë më shumë njerëzit të bashkëveprojnë me njëri tjetrin. Askush nuk mund ta ndalojë këtë gjë. Ky është një proces gjithëpërfshirës. Më ka ardhur pak në majë të hundës, që duhet të japim justifikime, thua se kemi bërë diçka të gabuar. Janë të mirëpritur nëse duan të bëhen pjesë, po s’kemi pse kërkojmë ndjesë. Por do e kenë të vështirë t’u tregojnë qytetarëve pse nuk janë pjesë. Do të bëhen pjesë kur kjo gjë të jetë më e qartë,” u shpreh Vuçiç.
Ndër të tjera, Vuçiç deklaroi se ka takuar disa biznesmenë shqiptarë dhe serbë që kanë dëshirë të investojnë në vendet reciproke.
Discussion about this post