Kosova sfidon Greqinë në sfidën e vlefshme për kualifikueset e kampionatit botëror “Katar 2022”. Trajneri zviceran i dardanëve, Bernard Challandes ka theksuar në konferencën për shtyp se shpreson që suksesi ndaj Gjeorgjisë të pasohet me rezultate pozitive ndaj rivalëve të tjerë.
“Ndeshja me Greqinë është e rëndësishme për ta konfirmuar ndeshjen e mirë në Gjeorgji. Ishte përgatitje e mirë për ndeshjen e dytë. Ndeshja e tretë do të jetë e vështirë. Duhet të kemi kujdes edhe nga kartonët. Lojtarët janë gati për duelin e së dielës.
Jam shumë i lumtur me ndeshjen në Gjeorgji. Jo vetëm për rezultatin. Fillimisht kemi bërë paraqitje të mire, teknikisht, mentalisht. Ekipi ishte kolektiv. Na pret ndeshje e vështirë tani menjëherë kundër Greqisë. Ekipi ka luajtur me mentalitet të mirë, të bashkuar.
Është shumë e rëndësishme që tifozët janë kthyer. Nuk është njëjtë kur stadiumi është i mbushur plot e kur është vetëm 10 për qind. Por është gjë e mirë që një numër i tyre do të jetë në stadium. Covid-19 na ka shkaktuar shumë probleme. Me 10 për qind, “Dardanët” mund të bëjnë shumë zhurmë.
Selmani? Astriti është mirë në ekip. Punon mirë. Secili futbollist duhet t’i meritojë minutat kur të aktivizohet. Në varësi të situatës do të vendosim gjatë rrjedhës së lojës për Selmanin se a do të aktivizohet apo jo”, deklaroi Shaland në konferencë për shtyp.
