Vijon të jetë i lartë numri i personave që humbin jetën nga Covid në Kosovë.
Ministria e Shëndetësisë në Kosovë ka publikuar të dhënat e fundit me situatën e Covid-19 në vendin fqinj. Gjatë 24 orëve të fundit, rezulton se 703 qytetarë janë infektuar nga virusi, ndërsa janë shënuar 19 humbje jete.
Sipas njoftimit, në 24 orë janë shëruar 2.255 qytetarë, ndërsa numri i përgjithshëm i të shëruarve është 131.930. Në total numri i rasteve aktive është 20.652.
Që nga nisja e procesit të vaksinimit, në të gjitha qytetet e Kosovës janë injektuar 975.279 doza të vaksinës anti-Covid. Shifrat me Covid-19 në Kosovë janë stabilizuar ditët e fundit, ku sot u raportua dhe për një ulje të numrit të personave që kërkojnë hospitalizim.
