Kosova me rritjen e rasteve të të infektuarve nga virusi famëkeq COVID19, së fundmi është futur në listën e zezë të vendeve me rrezikshmëri të lartë. Aktualisht regjistrohen rreth 23,845 raste aktive me koronavirus.
Ndërsa numri i përgjithshëm i të shëruarve është 108.603, ndërsa nga fillimi i pandemisë kanë vdekur 2,370 persona.
Sakaq kujtojmë se në 24 orët e fundit janë dhënë 18.326 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 747.898 doza të vaksinës. Deri më sot 250.626 qytetarë janë vaksinuar me dozën e dytë.
