Kolegji i Posaçëm të Apelimit, KPA vendosi të mërkurën më 17 dhjetor lënien në fuqi të shkarkimit nga detyra të prokurorit të Lezhës, Sabri Kastrati. Vendimi u mor në mënyrë unanime nga trupi gjykues i Kolegjit i kryesuar nga Albana Shtylla, me relator Sokol Çomo dhe anëtare Ina Rama, Mimoza Tasi e Rezarta Schuetz, pas shqyrtimit të ankimit të kryer nga Kastrati, ndaj vendimarrjes së Komisionit për largimin e tij nga detyra.
Prokurori Sabri Kastrati u shkarkua nga Komisioni i Pavarur i Kualifikimit, KPK më 19 shtator të vitit 2024, pasi u konkludua se nuk kishte provuar bindshëm burimet e ligjshme financiare të pasurive në pronësi të tij, si dhe se ka bërë deklarim të pamjaftueshëm lidhur me kontrollin e figurës.
Sabri Kastrati e filloi karrierën në fillim të viteve ’90 si oficer i Policisë Gjyqësore. Ai u emërua prokuror në vitin 1995 dhe në vitin 1998 u largua me kërkesën e tij. Pas kthimit nga emigracioni ai u riemërua prokuror në vitin 2005 dhe në 2013-ën u transferua në Prokurorinë e Lezhës, ku dhe e ushtroi funksionin derisa u shkarkua nga detyra.
Discussion about this post