rupi gjykues i Kolegjit të Posaçëm të Apelimit la në fuqi vendimin e Komisionit të Pavarur të Kualifikimit për shkarkimin e gjyqtarit të Elbasanit, Bujar Musta.
Trupi gjykues i Kolegjit të Posaçëm të Apelimit, i përbërë nga Ina Rama kryesuese, Rezarta Schuetz relatore, Albana Shtylla, Mimoza Tasi, Sokol Çomo anëtarë, shpalli vendimin pas ankimimit të subjektit të rivlerësimit Bujar Musta kundër vendimit të Komisionit të Pavarur të Kualifikimit të vitit 2021.
Në vendimin për shkarkim të KPK në shtator të 2021-ës, u vlerësua se Musta ka pasur mungesë të theksuar të burimeve financiare të ligjshme.
“Në lidhje me kontrollin e figurës, ndonëse nuk janë provuar faktet se subjekti i rivlerësimit ka pasur kontakte të papërshtatshme, kanë rezultuar përputhje midis informacioneve të klasifikuara dhe qasjeve procedurale, të ndërthura me zgjidhjet substanciale të kryera nga subjekti lidhur me disa çështje gjyqësore, veprime të cilat kanë cenuar besimin e publikut, duke e bërë të papërshtatshëm subjektin për vijimin e detyrës”, thuhej në vendim.
Në lidhje me aftësitë profesionale të subjektit të rivlerësimit, trupi gjykues çmonte se shkeljet e konstatuara krijojnë bindjen se subjekti ka cenuar besimin e publikut në sistemin e drejtësisë.
Dritan Marku e filloi karrierën në sistemin e drejtësisë si oficer i Policisë Gjyqësore në vitin 2000. Ai ushtroi funksionin e prokurorit në Prokurorinë e Vlorës për gati dy dekada.
Discussion about this post