Komisioni i Prokurimeve Publike ka anuluar tenderin e Bashkisë së Tiranës i cili ishte hapur për rehabilitimin e sheshit përpara degës së Thesarit Tiranë. Dhe për ironi, kjo procedurë është anuluar nga ankesa e kompanisë që ofroi më pak nga konkurrentët e tjerë. Kjo procedurë është para disa muajsh është denoncuar edhe nga Gijotina.com, në lidhje me qëllimin për të cilin ishte hapur.
Bëhet fjalë për procedurën e hapur në datën 22 nëntor 2021, për rehabilitimi i sheshit përpara degës së Thesarit Tiranë, në rrugën “Mustafa Lleshi”. Kjo procedurë mban numrin e referencës REF-12256-11-19-2021 dhe fondi limit ishte 42,278,577 milionë lekë të reja, ose rreth 423 milionë lekë të vjetra. Punimet kanë të bëjnë për një shesh që relativisht është i vogël dhe që më shumë shërben si kryqëzim, por që Veliaj i ka menduar që të investoj aty me një shumë të ekzagjeruar.
Dhe kjo duket edhe në interesin që kanë shfaqur disa kompani për të marrë pjesë në garë, pasi kur kanë parë fondin limit me punën që duhet bërë, janë “dyndur” për ta fituar. Në garë kanë marrë pjesë 11 kompani, ku 10 prej tyre janë kualifikuar për më tej dhe vetëm kompania “Company Riviera 2008” ShPK është skualifikuar. Por jo pa qëllim është skualifikuar, pasi oferta që ka paraqitur ka qenë më e vogël nga të gjithë operatorët konkurrues, pra 26,045,592 lekë të reja ose rreth 260 milionë lekë të vjetra. Kompania fituese e tenderit është shpallur bashkimi i operatorëve “K.TURJA” ShPK & “INFINIT” ShPK, të cilat kanë paraqitur ofertën e dytë më të mirë, me vlerë 27,457,987 lekë të reja, ose rreth 275 milionë lekë të vjetra.
Siç duket fituesi ka qenë i paracaktuar, por oferta më e vogël e paraqitur nga “Company Riviera 2008” ShPK, u ka prishur planet iniciuesve të tenderit, të cilët për ta hequr nga gara e kanë skualifikuar me arsyen absurde se kopjet e dokumenteve të dorëzuara nga kompania nuk janë njësoj me origjinalin.
Por shoqëria “Company Riviera 2008” nuk e ka lënë me kaq dhe e ka denoncuar procedurën në Komisionin e Prokurimeve Publike. KPP pasi e ka marrë në shqyrtim, kanë vënë re absurditetin e skualifikimit dhe kanë vendosur që të anulojë këtë procedurë. Në këtë procedurë Erion Veliaj nuk i kishte bërë llogaritë siç duhet. Të shpresojmë që do ta rishikoj dhe një herë, sidomos tek fondi limit, pasi edhe shuma që ka vënë prej 423 milionë lekë për rehabilitimin e një sheshi që as 500 metra katrorë nuk është dhe që më shumë shërben si kryqëzim, është në kufijtë e absurditetit.
Gijotina.com
Discussion about this post