Tenderët në vendin tonë janë kthyer në “kryefjalën” e diskutimeve dhe denoncimeve në rrjet, për shkak se shpesh herë abuzohet dhe cohën dëm miliona lekë. Ankesat për tenderët janë të shumta dhe vlerësimin përfundimtar të tyre e bën Komisioni i Prokurimeve Publike, i cili pas shqyrtimit të detajeve vlerëson nëse një procedurë tenderues është e rregullt apo jo. Rasti i fundit ka qenë për tenderin me objekt “për ruajtjen e fizike të KLSH”, për cilin KPP vendosi anulimin. Lidhur me këtë çështje, duke nisur nga ecuria e tenderit, ankesat e bëra dhe vendimi i KPP Gijotina.com ka publikuar dje një shkrim, përmes të cilit paraqiste shkeljet e evidentuar dhe rekomandimet e KPP.
Duke iu referuar vendimit të KPP, Gijotina.com ka treguar se kompanitë që kanë marrë pjesë në garë pretendojnë se janë skualifikuar pa të drejtë dhe jo komfort ligjit. Ndërkohë, pas publikimit të këtij shkrimi në redaksinë tonë ka ardhur një reagim nga zyrat e KLSH. Sipas përfaqësuesit të këtij institucioni, vetë KLSH ka pezulluar tenderin, pasi ofertat e paraqitura nga gausit nuk mundësonin mbulimin e shpenzimeve që kërkon ky tender, për periudhën e përcaktuar.
“Procedura është anuluar nga KLSH pasi, në asnjë rast ofertat e operatoreve nuk janë trajtuar si “oferta anomalisht të ulta”, por ofertat kanë qenë nën minimumin e vlefshmërisë. Ofertat e ardhura nga operatoret ekonomike nuk mundësonin mbulimin me shërbim për periudhën kohore të kërkuar nga KLSH”, tha për Gijotina.com përfaqësuesi i KLSH. Ndërsa theksoi se procedura është anuluar deri në një vendim të Komisionit të Prokurimeve. Pra mbetet të shohim në vazhdim se çdo të bëhet me këtë tender.
Discussion about this post