Komisioni Qendror i Zgjedhjeve ka njohur sot Lulzim Bashën si kryetar të PD-së.
Kryetari i KQZ-së Ilirjan Celibashi deklaroi se kryetar nga pikëpamja ligjore i PD-së është Basha. Por, ai ka dhënë një afat prej 48 orësh, që PD të përgatisë dokumentacionin e nevojshëm për regjistrim.
Sot Gazmend Bardhi deklaroi se PD ka të gjithë dokumentacionin në rregull.
Ndërkaq, po ditën e sotme në Tiranë është parë edhe Lulzim Basha, nisur sa duket edhe nga lajmet e fundit politike në vend.
Kryetari KQZ-së Ilirjan Celibashi deklaroi se Basha ka 48 orë kohë për të dorëzuar dokumentacionin e nevojshëm të firmosur nga ai, që PD të bëhet pjesë e zgjedhjeve .
“Kanë 48 orë kohë për të paraqitur dokumentet. Duke nisur nga sot Basha duhet t’i dorëzojë. Nëse dokumentacioni nuk dorëzohet i plotësuar nuk do të regjistrohet. Deklarata duhet të jetë e firmosur nga drejtuesi i PD-së. Këtë e ka ligji dhe ligji duhet të respektohet”, shtoi më tej ai.
Discussion about this post