Komisioni Qendror i Zgjedhjeve, me anë të një reagimi, ka bërë me dije se nuk ka një vendim për t’u përjashtuar nga numërimi votat e emigrantëve nga Greqia.
KQZ thotë se ky vendim ka qëllim miradministrimin e dokumentacionit për votuesit nga jashtë dhe çdo koment për këtë e ka quajtur mosnjohje apo dhe spekulim.
“Sqarojmë se nuk ka vendim të Komisionerit Shtetëror të Zgjedhjeve për të përjashtuar nga numërimi dhe vlerësimi i votave të votuesve nga Greqia.
Vendimi i marrë një ditë më parë ka si qëllim vetëm miradministrimin e dokumentacionit zgjedhor të votuesve nga jashtë, gjatë kohës kur ky dokumentacion, shqyrtohet nga numëruesit dhe komisionet përkatëse të administrimit të numërimit dhe vlerësimit të votave nga jashtë për 12 qarqet e vendit.
Komentet dhe opinionet kundërshtuese për këtë akt janë mosnjohje e faktit dhe me raste edhe spekulime”, thotë KQZ.
Discussion about this post