Kryeministri Edi Rama gjatë fjalës së tij në Forumin Evropian të Inovacionit dhe Sipërmarrjes “Ruhr Summit” në Gjermani zgjodhi tu tregojë gjermanëve se si luftohet korrupsioni. Kjo deklaratë e Kryeministrit vjen në një kohë, kur shqiptarët prej 32 ditësh i kërkojnë largimin nga pushteti, ku një ndër arsyet është edhe korrupsioni në kabinetin e tij qeveritar.
Gjatë fjalimit të tij, Rama u shpreh se ëndrra e tij është që Shqipëria të ndërtojë një sistem me inteligjencë artificiale për prokurimet publike dhe më pas t’ia shesë Gjermanisë, në mënyrë që edhe gjermanët të luftojnë pak nga korrupsioni i tyre. Kjo deklaratë e Kreut të qeverisë bëri që salla të shpërthejë në të qeshura, pasi shqiptarët po e akuzojnë për keqqeverisje, ndërsa Rama zgjodhi ta paraqesë vendin si model për t’i dhënë mësime Gjermanisë.
“Ç’do të ndodhte nëse inteligjenca artificiale do të bëhej një partner inteligjent përgjatë gjithë procesit të prokurimit publik, jo për të zëvendësuar njerëzit, por për të forcuar institucionet. Dhe sot po ndërtojmë pikërisht këtë gjë. Ëndrra ime është që ta finalizojmë dhe pastaj t’ia shesim Gjermanisë! Po, sepse pas 35 vjetësh që Gjermania na gozhdon që duhet të luftojmë korrupsionin, do të ishte fantastike nëse do të kontribuonin që gjermanët të luftonin edhe ata disa prej korrupsionit të tyre,” u shpreh Rama.
gijotina.com/
Discussion about this post