Një nga arsyet e kredive të këqija është sipas gazetares Ola Xama, korrupsioni në banka. Në studion e MCN, Xama tha se rritja në 20% e kredive të këqija para disa vitesh nxori në pah parregullsitë në procedurat e dhënies së kredive.
“Në vitin 2013, Shqipëria ishte në vendin e tretë në Europë dhe Azinë Qendrore për kreditë e këqija. Një e katërta e kredive ishin kredi të këqija. Një nga arsyet pse ka ndodhur kjo është edhe për një fenomen që nuk është ngritur në media, që është korrupsioni në banka. Sot një drejtor banke nëse shkel disa rregulla të bën të pasur ose të varfër. Kjo solli situatën me kreditë e këqija. Pjesa më e madhe e këtyre kredive nuk u ekzekutua kurrë. Kishin lënë kolateral që nuk vlente as sa 10% e totalit të kredive. Gjysma e këtyre kredive të këqija shkuan te këta peshkaqenët e kredive. Ky është ai tregu i kredive. Është një treg që edhe sot vazhdon dhe askush nuk e përmend.” – tha Ola Xama.
“Përsa kohë licenca është e pezulluar, kompania nuk bën dot aktivitet, pra nuk jep dot as mikrokredi. Sipas vendimit të BSH, ajo shet portofolin e kredive dhe bën rakordime të situacioneve të detyrimeve që kanë pasur qytetarët. Por jo të gjitha janë reflektuar në sistemin e kredisë. Ndaj ishte e domosdoshme të liheshin 6 muaj kohë që të bëheshin këto lloj rregullimesh. Për klientët, portofoli i Microcredit do të blihej nga një institucion tjetër. Shumë qytetarë që kanë proces me MCA janë njoftuar për transferimin, por nuk kanë ende një emër se kush do të jetë në vend të saj.
Ajo që rrezikohet është që nuk mundet dot në asnjë rast që institucionet që kanë një licencë nuk duhet në asnjë moment të jenë të dyshuar apo të mashtruar. Në momentin që bie besimi, duke qenë që BSH e ka pezulluar MCA, ai që paguan sot këstin e kredisë është skeptik nëse kjo shumë do të zbritet nga detyrimi që ai ka apo dikush në kompani, qoftë edhe pronari, t’i fusë ato në xhep dhe të mos i reflektojë në sistem.
Kemi një rast konkret kur ProCredit ia ka shitur kredinë MCA. Rritja e shumës mbi titullin ekzekutiv të gjykatës e ka rritur MCA. Janë raste që qytetarët i kanë çuar në gjyq. BSH e ka marrë vendimin në bazë të një kontrolli që ka bërë në vitin 2020. Kur ka parë që nuk janë realizuar rekomandimet, madje ka konstatuar shkelje të tjera, ka kërkuar pezullimin e licencës. Skema nuk kufizohet as te BSH, as te shërbimet e tjera përmbarimore. Edhe te Kadastra, para regjistrimit të vënies së sekuestros, duhet të shohë si është bërë procedura. 100 mijë kredi janë shitur për afro 10% të detyrimit real. Kompania MCA ka dalë me fitim shumë të mirë gjatë këtyre viteve që ka operuar.” – tha Ola Xama.
Discussion about this post