Ndërsa afron Kuvendi i 11 dhjetorit, i thirrur nga Sali Berisha, në rrethe po bëhen përgatitjet e fundit në bazën e PD-së. Ladi Bana, kreu i PD-së së degës Tepelenë, është pro Kuvendit të thirrur nga Basha më 18 dhjetor dhe gjatë një interviste televizive ai tha se 70% e anëtarësisë së degës që ai drejton ka të njëjtin mendim me të. “Pavarësisht se dalin më media e flasin për shumicë të cilësuar, nuk është kështu. 70 % janë pro datës 18 dhjetor. Disa prej delegatëve që thonë për datën 11 janë jashtë shtetit. Tritan Shehu na ka kontaktuar, por unë duhet të respektoj para së gjithash Partinë Demokratike”, tha ai. Ndërsa bëri thirrje që të gjithë të bashkohen në Kuvendin Kombëtar të PD.
Kujtojmë se kryedemokratit Lulzin Basha nga ana tjetër ka deklaruar se askush nuk mund të ngrejë një Kuvend sa PD të jetë nën drejtimin e tij dhe si për të kundërshtuar Berishën, ai ka thirrur një tjetër Kuvend me datë 18 dhjetor.
Discussion about this post