Presidenti i Federatës së Futbollit të Italisë (FIGC), Gabriele Gravina ka komentuar transferimin e Cristiano Ronaldos tek skuadra e Juventusit. Aventura e luzitanit zgjati vetëm tre vitë në Torino për tu larguar më pas drejt Manchester United.
Me fanellën e Juventusit, Ronaldo shënoi 101 gola në 134 ndeshje me Juventusin në të gjitha kompenticionet, duke fituar 5 trofe, përfshirë këtu dy tituj kampioni në Serie A megjithatë këto statistika nuk janë marrë shumë parasysh nga kreu i FIGC i cili ka deklaruar:
“Nuk besoj se Juventusi bëri lëvizje të mirë me transferimin e Ronaldos. Ardhja e tij në Itali ishte e mirë për futbollin italian, por jo operacion pozitiv edhe për Juventusin”, theksoi Gravina. Paga e lartë e Ronaldos rëndonte shumë në arkat e italianëve ndërsa në champions league portugezi nuk la aspak gjurmë.
