Kryetari i Komunitetit Mysliman të Shqipërisë, Bujar Spahiu, ka reaguar për ngjarjen e rëndë në Fier, ku një 38-vjeçar ka vrarë dhe më pas ka groposur një fëmijë të mitur. Me anë të një postimi në Facebook, Spahiu bën apel për institucionet e drejtësisë dhe ato të garantimit të sigurisë së qytetarëve, që ngjarje të tilla të përsëritura, nuk duhet të ndodhin më kurrë.
Kreu i KMSH thotë se është e pa pranueshme që persona me precedentë të rëndë penale të enden të lirë në shoqëri.
“Trishtues lajmi që po përcillet nëpërmjet mediave për ngjarjen makabre të ndodhur sot në një fshat të Fierit!
Lutjet e mia shkojnë për prindërit e fëmijës së ndjerë, Zoti u dhëntë atyre durim! Apeli shkon për institucionet e drejtësisë dhe ato të garantimit të sigurisë së qytetarëve, ngjarje të tilla të përsëritura, siç është rasti i sotëm, nuk duhet të ndodhin më kurrë.
Është e pa pranueshme që persona me precedentë të rëndë penale të enden të lirë në shoqëri. Është koha që të reflektojmë të gjithë si shoqëri, gjithsecili nga ne ka kontribut për të dhënë që shoqëria jonë të bëhet më e mirë, më e paqtë” – thuhet në mesazhin e Kreut të KMSH-së.
Kujtojmë se Mateo Vllasiu është i mituri i cili ra pre e këtij krimi horror, paraditen e sotme në fshatin Grecali në Fier. Vrasja e të miturit është një rast që kalon çdo kufi të çnjerëzores, pasi ai u rrëmbye, u vra me lopatë dhe u gropos, në shtëpinë e Klodian Çalamani.
Discussion about this post