Deputeti i Partisë Demokratike, Enkelejd Alibeaj ka kërkuar që në komision duhet të ishte dhe drejtori i Policisë së Shtetit, Gledis Nano. Kjo për arsyen se po flitet për një strukturë e cila heton pikërisht këtë institucion.
Ai pohon se konsultimi në lidhje me këtë vendim, është bërë jashtë sallës, po ai duhet të replikohet aty brenda.
“Në këtë projektligj ka standarde delikate që do të duhet të jemi në maksimumin për të vendosur duke pranuar dialektikën. Kërkesa tjetër që ne bëmë është mirë që ta pranojmë në një mbledhje të përbashkët në frymën e konsultimit”, pohon Alibeaj.
Sipas tij, drejtori i policisë duhet të ishte i pranishëm e të jepte llogari, pasi është ndër drejtuesit më të lartë të administratës. Ndër të tjera ai pohon se këto duhet të bëhen, sepse edhe publiku duhet të informohet për atë që vendoset, duke përmendur këtu transparencën.
