Japonia, vendi i inovacionit, ka prezantuar një ‘makinë larëse njerëzore’ futuriste, një pajisje e fuqizuar nga AI, e aftë për të larë dhe tharë njerëzit brenda 15 minutave.
Zhvilluar nga kompania japoneze Science Co., kjo risi e quajtur “Mirai Ningen Sentakuk” ofron një përvojë të ngjashme me banjën.
Ju futeni në një makinë transparente që mbushet përgjysmë me ujë të ngrohtë, përcjell Telegrafi.
Më pas ajo lëshon fluska mikroskopike që shpërthejnë në kontakt me lëkurën tuaj, duke hequr papastërtitë.
Teknologjia AI rregullon temperaturën dhe presionin e makinës për rehati maksimale.
Ajo fokusohet gjithashtu në mirëqenien mendore. Analizon gjendjen tuaj emocionale dhe projekton pamje qetësuese në brendësi për t’ju relaksuar.
Kur do të lansohet?
Frymëzuar nga një koncept i ngjashëm i paraqitur në vitet 1970 nga Sanyo Electric, ky version i modernizuar do të debutojë në Osaka Expo 2025, ku 1000 pjesëmarrës do ta përjetojnë atë drejtpërdrejt.
Pas provës së saj, makina pritet të hyjë në prodhim masiv, duke premtuar se do të revolucionarizojë higjienën personale dhe relaksimin.
Kompania po planifikon gjithashtu të nxjerrë një botim për përdorim shtëpiak.
Dhe tashmë po pranon rezervime për vaskën e automatizuar në faqen e saj të internetit.
Discussion about this post