Shefi i Zyrës së Bashkimit Evropian në Kosovë, Tomas Szunyog, ka zhvilluar ditën e sotme një takim me kryeministrin e vendit, Albin Kurti. Në këtë takim ai tha se duhet, me patjetër që Kosova të arrijë rezultate të dukshme në fushën e sundimit të ligjit, në luftën kundër korrupsionit, reforma në administratë e tjera. Ndër të tjera ia është shprehur se, duhen zbatuar të gjitha marrëveshjet e përcaktuara në Bruksel, përfshirë edhe ajo për formimin e Asosiacionit.
“Duhet zbatuar TË gjitha marrëveshjet e kaluara dhe kjo përfshinë edhe marrëveshjen e vitit 2013 për Asosiacionin. Dua t’ua rikujtojë të gjithëve që marrëveshje është dakordësuar, jo vetëm nga BE-ja, por edhe nga Kuvendi i Kosovës dhe duhet zbatuar. I takon Prishtinës që të sugjerojë se si. Është një ligj i cili është i pranishëm dhe ligji duhet të zbatohet, por i takon palës kosovare se si saktësisht dhe çfarë forme do të marrë kjo. Nëse jo mendoj se duhet të ngrihet në BE dhe të diskutohet”, ka thënë ai.
Ndërkohë ai pati edhe një takim me presidenten e Kosovës, Vjosa Osmani, e cila i tha se BE nuk duhet të zvarrisë më procesin po të arrihet njohja nga 5 shtetet. Sipas saj, mosnjohja e Kosovës është e padrejtë.
Osmani ka nënvizuar se Republika e Kosovës e ka prioritet anëtarësimin në Bashkimin Evropian. Në këtë kontekst, ajo ka theksuar se asgjë dhe askush nuk do të mund të ndalë vendosmërinë e institucioneve të reja të Kosovës për sundim të ligjit dhe për të mbrojtur integritetin e institucioneve.
Gjatë takimit, ajo kërkoi sqarime për moskonsultimin e institucionit të Presidencës në fazën përpara para hartimit të raportit, siç janë konsultuar të gjitha institucionet e tjera dhe shoqëria civile.
