Krim i rëndë në Pejë, burri qëllon për vdekje bashkëshorten e tij

Një grua është vrarë nga bashkëshorti i saj në Pejë.

Prokuroria ka konfirmuar që të gjitha organet kompetente kanë dalë në vendin e ngjarjes, përfshi edhe kryeprokurorin e Pejës.

I dyshuari është arrestuar, ndërkohë që edhe arma e zjarrit është konfiskuar.

“Në Pejë ka ndodhur një rast i vrasjes, ku dyshohet se në një banesë në qendër të Pejës bashkëshorti ka privuar nga jeta gruan e tij. Aktualisht në vendin e ngjarjes është kryeprokurori, prokurori, krimet e rënda dhe të gjitha ekipet relevante. Po e presim Mjekësinë Ligjore për të marrë trupin e pajetë. Është arrestuar i dyshuari”, ka thënë zëdhënësi i Prokurorisë Themelore në Pejë, Shkodran Nikçi.