Detaje të reja janë zbardhur nga ngjarja e ndodhur në Roskovec, ku 35-vjeçari Refit (Nertil) Buzi, pasi vrau ish-vjehrrin e tij me armë gjahu, plagosi ish-vjehrrën, qëlloi edhe veten me armë zjarri në makinë, ku qëndroi i ngujuar prej disa orësh. Ish-partnerja e Refit Buzit, pritet të jetë dëshmitarja kryesore e ngjarjes së rëndë të ndodhur në fshatin Vidhisht.
E reja ka ka dalë nga spitali dhe ndodhet në komisariat, ku po merret në pyetje. Ajo do të japë dëshminë e saj për rrethanat e ngjarjes, që çuan në vrasjen e 35-vjeçarit, plagosjen e rëndë të nënës dhe pengmarrjen e saj.
35-vjeçari Refit Buzi mëngjesin e sotëm vrau me armë gjahu ish-vjehrrin e tij, Kosta Plakën, 58 vjeç, plagosi ish-vjehrrën, Belere Plakën, 55 vjeçe, dhe më pas mori peng ish-partneren, të cilën e liroi disa orë më vonë. Policia e rrethoi autorin në fshatin Kurjan të Roskovecit, ku operacioni zgjati rreth 8 orë, por edhe pse efektivët e RENEA-s i bënë thirrje të dorëzohej, ai nuk pranoi.
Në fund, 35-vjeçari qëlloi veten brenda makinës së tij. Më herët, familjarët e të dyja palëve kanë dhënë versione të ndryshme për shkaqet e konfliktit, ndërsa autori kishte precedentë penalë për sjellje të dhunshme.
Po ashtu, policia po heton ngjarjen në dy pista kryesore: Dyshimin se autori nuk pranonte ndarjen nga ish-partnerja dhe një konflikt për një shumë parash që ai pretendonte se ia kishte dërguar asaj gjatë kohës që punonte si emigrant në Angli dhe që kërkonte t’i merrte pas ndarjes.
gijotina.com/
Discussion about this post