Prokuroria e Posaçme Kundër Korrupsionit dhe Krimit të Organizuar në raportin vjetor përgjatë 2021, ka përdorur metodën e përgjimit për 129 procedime penale.
Në raportin vjetor të kësaj strukture thuhet se përgjatë vitit 2021, SPAK, ka përdorur përgjimet për 1500 persona, 179 prej të cilëve kanë përfunduar të arrestuar .
Kjo veprimtari, deri ne 01 Shtator 2021, është ndjekur nga 9 (nënte) Oficerë të Policisë Gjyqësore të Policë së Shtetit dhe 3(tre) Oficerë të Policisë Gjyqësore të Prokurorisë së Posaçme.
“Për vitin 2021, Bërthama Komanduese Elektronike, ka ekzekutuar në interes të procedimeve penale nën hetim nga Prokuroria e Posaçme Kundër Korrupsionit dhe Krimit të Organizuar: 411 Autorizime të Prokurorit për lejim përgjimi; 1204 Vendime të Gjykatës së Posaçme të Shkallës së Parë për Korrupsionin dhe Krimin e Organizuar, nga të cilat: 224 Vendime Lejim Përgjimi; 400 Vendime Vleftësimi; 580 Vendime Zgjatjeje”, thuhet në raportin vjetor.
Discussion about this post