Viktimat e krimit në familje që tronditi Divjakën një ditë më parë, Hekuran e Thëllëza Rrasa, 58 dhe 45 vjeçe janë përcjellë sot të ndarë për në banesën e fundit, duke marrë me vete edhe motivet e vrasjes. Ky vendim ka ardhur nga ana e familjarëve të 45-vjeçares së ndjerë të cilët në dhimbje kanë tërhequr trupin, sepse nuk donin që e reja vaja e tyre e shtrenjtë të prehej në të njëjtin vend me bashkëshortin që i mori jetën. Ata kanë vendosur që gruan ta varrosin në fshatin e saj të lindjes, pranë të afërmve që ka humbur më herët.
Ndërsa Hekuran Rrasa është përcjellë për në banesën e fundit nga familjarët e tij në fshatin Babunjë dhe djali i vetëm që çifti la pas, Leonard Rrasa. Të afërmit dhe familjarët e çiftit Rrasa kanë rrëfyer detaje në lidhje me jetën e tyre, një ditë pas krimit të dyfishtë që tronditi Divjakën.
Në një prononcim për mediat ata kanë treguar se çifti Rrasa jetonin në kushtet e vështira ekonomike, ndërsa shtojnë se kjo ishte diçka që nuk e prisnin.
Një e afërme mes dhimbjesh ka treguar e prekur se më shumë i vjen keq për 45-vjeçaren sesa për kryefamiljarin. Ajo shton se e ndjera kishte mbajtur vjehrrën për një vit e gjysmë në shtrat dhe ishte përkujdesur për të.
“Më shumë më dhimbset ajo se ai. Pati vjehrrën deri tani, një vit e gjysëm e mbajti në dyshek dhe e kishte xixë. Unë them nga fukarallëku. Ne na tha çuni, e kishte parë në internet. E kam vëllanë e kunatës. Burrat vëllezër. Zonja nuk punonte. Kishte lopë, merrej me blegtori”, është shprehur familjarja.
