Drejtori i Policisë së Shtetit, Gledis Nano, duket se është në orët e fundit në krye të këtij institucioni. Prej disa ditësh është përfolur për një largim të mundshëm të tij, por sot gjithçka pritet të bëhet zyrtare.
Mësohet se Nano i ka dorëzuar dorëheqjen kryeministrit Edi Rama dhe zyrtarizmi i largimit nga detyra mund të bëhet publik sot në mbledhjen e Këshillit të Ministrave ku do të jepet edhe emri i drejtorit të ri.
E teksa siguria në vend është cenuar disa herë, ndërsa ngjarja më e rëndë, ajo e zhdukjes së Ervis Martinajt ende nuk është zbardhur.
Ngjarjet kriminale dhe situata ku ndodhet Policia e Shtetit janë arsyet kryesore të largimit të Nanos, i cili u emërua në këtë post thuajse një vit më parë. Emri më i përfolur për zëvendësimin e tij është ai i Muhamet Rrumbullakut, drejtori i Agjencisë së Mbikëqyrjes Policore.
Discussion about this post