Krimi tronditës/ 5-vjeçarja u gjet e groposur, nëna dhe babai jetonin të ndarë (Detajet)

Është gjetur trupi i pajetë i 5-vjeçares, Elena Del Pozzo, që u zhduk të hënën në Tremestieri Etneo.

Mësohet se ka qenë nëna e vogëlushes ajo që ka gjetur trupin, pas presionit të ushtruar gjatë marrjes në pyetje nga hetuesit.

Trupi u gjend në një tokë bujqësore nga karabinierët e Katanias disa qindra metra larg shtëpisë ku jetonte gruaja me ish-partnerin, babin e vajzës.

Lajmi është konfirmuar nga prokurori i Katanias, Carmelo Zuccaro, i cili ka shpjeguar se po mbledhin deklarata.

Po ashtu bëhet e ditur se babai dhe nëna e vajzës nuk ishin bashkë prej disa kohësh. Burri i dëshpëruar shkoi me partneren e tij të re në vendin ku u gjet kufoma, e cila u varros, vetëm pjesërisht, në një tokë 400 metra larg shtëpisë ku jetonte çifti para se të ndaheshin.

Hetimet dhe autopsia janë duke u zhvilluar ende nga departamenti shkencor.