Teksa kriminelët enden të lirë, Prokuroria gjen kohën të merret me raste që spërbëjnë shkelje penale. Një denoncim i bërë në polici nga pronari i një dyqani, ka ngritur në këmbë organin e akuzës se një i ri kishte vjedhur në furrën e tij dy kalcone dhe një molto duke u larguar me vrap.
Shuma e ushqimeve të vjedhura në vlerën e 200 lekëve u kthye në procedimin penal, ku pas tre viteve prokuroria e Tiranës kërkon dënimin e autorit të dyshuar 21 vjeçarit F.Ogiçi.
Sipas dokumentave, rezulton një person me precedent penal dhe i njohur për policinë dhe drejtësinë pasi ndaj ti ndër vite ka edhe 6 dënime për vepra të ndryshme penale, përfshi vjedhjen e trafikim canabisi.
Ai kish mundur ti shpëtonte arrestimit ndër muaj e vite, por uria për bukë e çoi pas hekurave duke bërë që i riu të shlyej dënimet e mëparshme si dhe të përballet me drejtësinë për vjedhjen e 2 kalconeve dhe një molto.
E teksa proçedurialisht kosto e një procesi të tillë me angazhimin e policëve, prokurorisë e gjykatës shkon minimalisht në 35 mijë lekë të reja pa llogaritur ditën e qëndrimeve me 50 euro ditë në paraburgimt të të riut, ironia e ligjit është procedimi i tij për vetëm 200 lekë.
I pyetur gjatë hetimeve i riu ka treguar se gjithçka e ka bërë nga uria për ushqim dhe do ja rikthente shpejt lekët fqinjit të tij, po denoncuese ka shpjeguar se edhe më herët Ogiçi ka vjedhur në furrën e tij deri tek celulari por e ka falur se i vinte keq./ shqiptarja.com
