Argjendi dhe Ritvana janë dy nga konkurrentët e “Për’puthen 3”, të cilët u spikatën si çifti i parë që kishin potencialin për t’u përputhur brenda emisionit.
Marrëdhënia e tyre gjithsesi, nuk ka qenë shumë stabël përgjatë puntatave, sepse dyshja ka pasur shumë debate mes njëri-tjetrit.
Në puntatën e sotme Argjendi vendosi të flasë, i stimuluar dhe nga Bora me Arjanin, të cilët janë të pa qartë për situatën, por gjithashtu edhe për publikun i cili ende nuk e di se ku do të shkojë lidhja e tyre.
Argjendi tregon se me Ritvanën ka pasur njohje paralele dhe sipas tij, ajo ka dashur që të bëhej protagoniste duke krijuar skena të rreme me të.
Ai gjithashtu thotë që ajo u largua prej tij në momentin që Argjendi vendosi të mos vazhdojë lojën e saj.
“Nga ana ime ka ardhur një pikë ku është bërë boll. Ka qenë një periudhë ku unë kam qenë shumë i heshtur dhe ju e dini, kjo jo pa arsye. Ka qenë një seri ngjarjesh edhe fajesh edhe nga ana ime, sepse unë me atë vajzë, si të thuash ju shumë gjëra nuk i dini, por kemi pas njohje paralele. Kanë qenë disa plane të saj, qysh prej fillimit të njohjes sonë, se si t’ia bëjmë, se si të grindemi, kur filloj pastaj Prime se si të largohemi, të ftohemi, në mënyrë që produksioni të na mundësojë një përballje në Prime, sepse Ritvana ka ëndërr të jetë gjithmonë protagoniste në Prime. Unë mendoj se nuk i kam interesuar ndonjëherë.” – tha Argjendi.
“Këtu nëse duam të grindemi ka 1000 arsye për tu kapur me çdo gjë që ndodh, por gjithsesi është mendimi i Argjendit. Unë përballjen me ty mund ta kisha pasur se ka 3 javë që kemi vetëm grindje, por e kam larguar vet se nuk e dua. E di pse nuk e dua? Sepse nëse këtu ka qenë realisht dikush që kam pëlqyer ishte ti Argjend. Ti e di shumë mirë këtë gjë dhe asgjë nuk ka ndodhur midis ne të dyve në lidhje me plane e këto budallallëqe. E vetmja arsye se nuk dua përballje me ty është të mos tregojmë mungesë respekti ndaj njeri-tjetrit, sepse në fund të ditës gëzoj një respekt, sepse kam pas një pëlqim shumë të sinqertë për ty.” – u përgjigj Ritvana.
“Ti u largove prej meje kur unë të thashë se s’dua të vazhdoj lojën tënde”,- tha Argjendi.
Arjani ndërkohë kritikoi Argjendin që e tha tani e nuk e ka thënë më përpara, ndërsa Argjendi i tha se ai sheh gjithmonë atë që do ai dhe jo të vërtetën.
Ndërsa Arjani replikoi duke thënë se Ritvana dhe Argjendi janë një zhgënjim i madh.
Discussion about this post