Ka përfunduar në barazim pa gola pjesa e parë e ndeshjes ndërmjet Shqipërisë dhe Andorras e vlefshme për grupin I në kualifikueset e kampionatit Botëror. Shqipëria është e detyruar të fitojë për të siguruar vendin e tretë në grup aq më tepër kur Hungaria udhëheq ndaj Polonisë. Trajneri Edi Reja ka konfirmuar vetëm tre futbollistë nga ndeshja me Anglinë. Kuqezinjtë kanë zhvilluar një 45 minutësh me shumë oshilacione duke u shfaqur tepër e brishtë në fazën offensive.
Shqipëria ka krijuar disa raste goli por pa mundur të finalizojë aksionet teksa në fundin e pjesës së parë Roshi goditi shtyllën. Seferi ka patur gjithashtu mundësi shumë të mirë por goditja ka qenë e dobët. Sa i përket Andorras, miqtë kanë vendosur në disa momente në vështirësi ekipin e trajnerit Reja por Strakosha ka rezultuar vendimtar. Në pjesën e dytë Shqipëria do të kërkojë fitoren për të përfunduar këto kualifikuese në vendin e tretë me 18 pikë çka do të ishte historike për kombëtaren tone.
Discussion about this post