Nesër mbrëma, publiku do të njihet me banorët më të rinj të shtëpisë më të famshme në Shqipëri. Edicioni i tretë i “Big Brother VIP” nis transmetimin nesër më 13 janar dhe deri më tani jemi njohur zyrtarisht vetëm me banorin e parë, i cili është Meriton Mjekiqi.
E teksa të gjithë janë kuriozë që të shohin se si është shtëpia dhe kush do të jetë pjesë e saj, disa ish-banorë kanë disa këshilla për të rinjtë.
Mes tyre është edhe Krist Aliaj, i cili pak më parë ka bërë një postim në profilin e tij në “Instagram”.
Ish-banori i edicionit të dytë të reality show-t ka ndarë me ndjekësit një video ku shfaqen disa nga momentet e tij brenda shtëpisë së BB VIP.
Ndërkohë bashkëngjitur me të ka dhënë edhe një mesazh për banorët e rinj, ‘që të jenë të zgjuar dhe të mbajnë gjakftohtësinë’ si dhe ‘të argëtohen’.
“« Ju e urreni atë. Mirë. Atëherë ka ardhur koha që ju të bëni hapin e fundit. Duhet ta duash vëllain e madh. Nuk mjafton t’i bindesh atij: duhet ta duash. »
Edhe një kujtesë e vogël: ky është vendi ku të gjitha planet tuaja shkojnë në ferr dhe më tej. Jini të zgjuar dhe mbani gjakftohtësinë tuaj dhe mos harroni të argëtoheni ndonjëherë”, ka shkruar Kristi krahas videos që është pëlqyer dhe komentuar shumë nga fansat e tij.
View this post on Instagram
Discussion about this post