Një tjetër tender me “erë të rëndë” abuzimi ka dalë nga Bashkia Vau Dejës, e drejtuar nga Kristian Shkreli. Bëhet fjalë për rikonstruksionin e shkollës 9-vjeçare dhe të mesme në Bushat, me shtesë 2 kate, me një fond limit prej 121,579,358 lekësh pa TVSH ose rreth 1.5 milionë euro me TVSH.
Fituesi i shpallur është ALKO IMPEX CONSTRUCTION & ALKO-IMPEX General Construcion, në pronësi të Arbër Abazit, nipit të ish-deputetit socialist Sadri Abazi, me një ofertë prej 114,278,270 lekësh pa TVSH ose rreth 1.4 milionë euro me TVSH. Pra, plot 94% e fondit limit – një rast klasik ku paratë publike duket se nuk kursehen për “të afërmit e pushtetit”.
Nga dokumentet e tenderit, rezulton se në garë kanë marrë pjesë 6 kompani, por njëra prej tyre ka hyrë vetëm “për numër”, pa dhënë asnjë ofertë. Madje, një tjetër firmë ka ofruar rreth 180 mijë euro më pak se fituesi, por për “çudi” kjo ofertë nuk u mor parasysh. Në vend të saj, Bashkia e Shkrelit vendosi t’ia japë tenderin pikërisht nipit të Sadri Abazit.
Në këtë pikë, pyetja është e thjeshtë: Sa para ka marrë nën dorë Kristian Shkreli për të shpallur fituese kompaninë e Arbër Abazit? Sepse me logjikë dhe me interes publik, duhej të fitonte oferta më e ulët, që kursente dhjetëra mijëra euro nga taksat e qytetarëve.
Ky tender duket si një skemë e pastër ku fituesi ishte paracaktuar që në nisje. Përfituesit? Një rreth i ngushtë pushteti. Humbësit? Si gjithmonë, qytetarët e thjeshtë që presin shkollë më të mirë, por paguajnë më shtrenjtë.
/Joq/
Discussion about this post