Një festë me temën “pothuajse e zhveshur” e organizuar nga aktorja, prezantuesja dhe blogerja 32-vjeçare Nastia Ivleeva ka shkaktuar reagime të forta në Rusi, ndërkohë dhjetëra mijëra ushtarë ndodhen në vijën e parë të luftës në Ukrainë. Reagimet u shumëfishuan me praninë në festën e prezantueses Xenia Sobchak, e quajtur ndryshe edhe “parukierja e Putinit”, pasi presidenti rus ishte “i pranishëm” në pagëzimin e saj, pasi e konsideronte babanë e saj, Anatoli, si mentorin e tij politik.
Sobchak, 40 vjeçe, e cila është shtatzënë dhe kohët e fundit ka qenë një kritike e zëshme e Putinit për luftën në Ukrainë, u shfaq në festë me një fustan të tejdukshëm dhe pa sytjena.
“Sa imorale është kjo që bëtë? Fëmijët tanë po luftojnë në front. Sa e pandjeshme jeni ndaj asaj që po ndodh në vend, ndaj Presidentit Putin?” pyeti prezantuesi Vladimir Solovyov.
Sipas Daily Mail ka raportime se janë bërë ankesa në prokurori për të kryer një hetim për të identifikuar çdo paligjshmëri në lidhje me organizimin e festës.
View this post on Instagram
“Sa herë pas festave më shkruajnë se janë demonikë, se janë të pamoralshëm, edhe pse njerëzit vinin të veshur bukur me zgjedhje stilistike thuajse të zhveshur. Por në të njëjtën kohë ne i shohim modelet në Perëndim dhe themi “sa të bukura dhe cool që janë”. Kur e bëjnë këtë artistët tanë, të gjithë thonë “si është e mundur kjo?”, është përgjigjur organizatorja 32-vjeçare, e cila për këtë rast ka zgjedhur një fustan prej 230 mijë eurosh.
“Vendosa të mos e teproj me aksesorët dhe mendova se do të më mjaftonte një diamant me vlerë 23 milionë rubla nga pas”, ka shkruar ajo në një postim për fustanin që ka veshur në festë.
View this post on Instagram
Në të njëjtën mënyrë ishte përgjigja e Sobchak për pjesëmarrjen e saj në festë: “Mund të ketë qenë një festë e keqe, sipas jush. Ne donim shkëlqim dhe kjo ndodhi. Mund të mos ju pëlqejë ta shihni, por, më falni, kur të rriturit shkojnë diku me fundet jashtë, kjo është puna e tyre. Bota nuk është e drejtë – ka qenë gjithmonë dhe do të jetë gjithmonë. Diku vriten njerëzit, diku vdesin nga uria dhe diku tjetër, në të njëjtën kohë njerëzit po pinë shampanjë. Asnjë zi nuk mund të zgjasë përgjithmonë”.
Discussion about this post